နာမည် သူခိုးတိ အတွက် စင်ကာပူ Domain Name ပေါ်လစီ
ကောင်းမကြာရေ ကာလတစ်ခု မှ စတင်ထွန်းကားလာရေ အင်တာနက်ဆက်သွယ်မူစနစ် ဟာ စီးပွားရေး၊ ပြန်ကြားရေး လူမူရေး ပိုင်ညာရေး အစ ဈီးရောင်းဈီးဝယ် အဆုံး ယခု ခတ်မှီ လူအဖွဲ့အစည်းတရပ် ရဲ့ ပုံမှန်ကိစ္စတစ်ခု အစိတ်အပိုင်းတစ်ခု ဖြိုက်လာပါဗျယ်။ တချိန်တည်းပါပင် အင်တာနက်ကို အမှီပြုလို့ ပေါ်ပေါက်လာရေ အမျိုးအမည် သစ် မသမာမူတိကို နှိမ်နှင်းဖို့ ဥပဒေသစ် တိကို လည်း တဖက်က ရေးဆွဲပြဌန်းလာပါရေ။
တန်ဖိုးရှိလာရေ Domain Name
အေပိုင်မသာမာမူတိ အထဲက အထင်ရှား အပေါ်လွင်ဆုံး တစ်မျိုးဟာ အင်တာနက်ဆက်သွယ်မူလိပ်စာ တနည်းအားဖြင့် website လိပ်စာ မတော်မတရား ရယူပိုင်ဆိုင် အသုံး ပြုမူမျိုး လို့ ဆိုရဖို့ဖြိုက်ပါရေ။ အများအားဖြင့် ကတော့ ကေ ထင်ရှားကျော်ကြားလူသိများရေ ကုမ္ပဏီ လူပုဂ္ဂိုလ်တိရဲ့ နာမည်တိကို မဆီမဆိုင် တယောက်ယောက်က လက်ဦးအောင် Domain Name ကို ယူထားမယ် နောက် နာမည်ပိုင်ရှင် အစစ်က Domain Name လာလုပ်ခါ ကိုယ့်နာမည်ကို သူများဦးလခဗျယ် ဖြိုက်လို့ လက်ဦးလခရေ လူပါးက ငွေ အဆမတန် ပီးပြီးကေ ပြန်ဝယ် ရစွာမျိုးဖြိုက်ပါရေ။ ဥပမာ နာမည် အရင်း John ဆိုရေလူက ကိုယ့်နာမည်ကို မသုံးပဲနဲ့ ဘောလုံးမင်းသား David Beckham ရဲ့ နာမည်နန့် davidbeckham.com ဆိုပြီးကေ Domain Name တစ်ခု ကို သူ့ထက် အရင်ဦးအောင် ယူထားမယ်။ နောက်မှ ဘက်ခမ်းပါးကို "မင်းနာမည်ကို ပြန်လိုချင်ကေ (၀ါ) မင်းနာမည်ကို မသုံးစီချင်ကေ ငါ့ကို ဒန်းဂါး အဇာလောက်ပီးရဖို့ " ဆိုပီးကေ ငွေတောင်း လာနိုင်စွာမျိုး ဖြိုက်ပါရေ။ အင်တာနက် ခတ်မှာ Domain Name စွာလဲ ကုန်အမှတ်တံဆိပ် နဲ့ မခြား လူတဦး ကုမ္ပဏီ တစ်ခု ရဲ့ သာမန်လိပ်စာ သက်သက်မဟုတ်ပဲ နန့် နာမည် ကောင်းရှိကေ ရှိသလောက် ဂုဏ်တန်ဖိုးပါ ငွေတန်ဖိုးနဲ့ ပါ တိုင်းတာလာကတ်ပါရေ။ တနည်းပြောရကေ ဒြပ်မဲ့တန်ဖိုး Intangible Asset ထဲမှာ အကျုံးဝင်နီပါရေ။
နာမည် လုစားသူများ
မြန်မာနိုင်ငံက အင်တာနက်ဝန်ဆောင်မူလုပ်ငန်း Internet Service Provider တစ်ခု ရဲ့ သတင်းထုတ်ပြန်လွာမှာ ပါရှိချက်အရ "ဇေကမ္ဘာ" " ယုဇန" စရေ မြန်မာ နာမည် တိကို နိုင်ငံခြား က Domain Name လုပ်ပီးကေ ကြိုတင်ဝယ်ထားရေလို့သိရပါရေ။ Domain Name တစ်ခု ရဲ့ မူရင်း ကုန်ကျစရိတ်မှာ တနှစ်ကို ၁၂ ဒေါ်လာဟိကေလေ့ လက်ဦးလခရေ လူပါးက ပြန်ဝယ်ကေ တော့ ၇ သန်းတောင် ပီးဝယ်လိုက်ရစွာမျိုးရှိရေလို့ ရွီးသားထားပါရေ။ မတော်တဆ ရိုးရိုးသားသား တိုက်ဆိုင် တူညီမူ ရာမဟုတ်ခဆိုကေ အေဟင့်စွာ သူတပါးပိုင်နာမည်ကို အလွဲသုံးစားလုပ်စွာ နာမည် ခိုးစွာမဟုတ်ပါလား။ အေပိုင် ငွေညစ်တေ အလုပ်ကို လုပ်စားပြီး မတရားစီးပွားရှာရေ လူတိကို Cyber-Squatter, Cyber-pirates, အေပိုင်လုပ်ရပ်မျိုးကို Cyber-squatting, cyber-piracy လို့ ရှုတ်ချ ခေါ်ဝေါ်ကတ်ပါရေ။
အေပိုင် ပြသနာကို နိုင်ငံတကာမှာ ကိုယ့်နိုင်ငံအလိုက် ဇာပိုင် ဥပဒေ စည်းမျဉ်း တိပြဌန်းပြီး ထိန်းချုပ်ကွပ်ကဲနီကတ်စွာအထဲက စင်ကာပူနိုင်ငံမှာ ဇာပိုင် ပေါ်လစီချက်မှတ်ထားရေ ဆိုစွာကို အကြမ်းဖျင်းလေ့လာကြည့်ကတ်မယ်။
စင်ကာပူ Domain Name ပေါ်လာစီ နန့် အာဏာပိုင်
စင်ကာပူ ပိုင် ကမ္ဘာအတွက် ပါ အရှအတွက် ပါ စီးပွားရီး အချက်အချာကျရေ နိုင်ငံတစ်ခုမှာ နိုင်ငံတကာ နာမည်ကြီးကုမ္ပဏီ တိ ရုံးခန်းတိ လုပ်ငန်းခွဲတိ ဆက်သွယ်ရေ ရုံးခန်းတိ ဖွင့်လာကတ်ပါရေ။ ယင်းတော့ကြောင့် Domain Name နန့် ပတ်သက်လို့ အငြင်းပွားစရာတိစွာ မကြာမကြာဖြိုက်တတ်စွာ မဆန်းပါဗျယ်။ Singapore Domain Name Dispute Resolution Policy (SDRP) လို့ခေါ်ရေ Domian Name အငြင်းပွားမူ ဖြေရှင်းရေး ဆိုင်ရာ စင်ကာပူနိုင်ငံရဲ့ ပေါ်လစီစွာ Internet Corporation for Assigned Names and Numbers (ICANN) ရဲ့ အမည်တူ အငြင်းပွားမူဖြေရှင်းရေး ပေါ်လစီ မူဝါဒ အပေါ် အခြေခံထားပါရေ။
ဒေပေါ်လစီ ကို ချမှတ် အကောင်အထည်ဖော်ပီးရေ အဖွဲ့စည်က တော့ singapore Network Information Center Pte.Ltd (SGNIC) ပဲဖြိုက်ပါရေ။ ဒေကုမ္ပဏီ စွာ singapore Mediation Center ရယ် Singapore International Arbitration Centre ရယ် Singapore Institute of Arbitrators စရေ လုပ်ငန်းဆိုင်ရာ အငြင်းပွားမူ စေ့စပ် ဖြေရှင်းဆောင်ရွက်ပီးဖို့ အတွင်းရေးမူးရုံး Secretariat ထူထောင်ထားရှိပါရေ။
ကန့်ကွက်ဖို့ အချက်တိ
Domain Name တစ်ခု အပေါ် ကန့်ကွက် လိုကေ Secretariat ပါးကို SDRP ပါစည်းမျည်း ဥပဒေ များနန့် လျောက်ထားကန့်ကွက် နိုင်ပါရေ။
ကန့်ကွက်စွာမှာ..
၁။ မှတ်ပုံတင်ထားရေတစ်ခု စွာ ကန့်ကွက်လျောက်ထားရေ သူ ပိုင်ဆိုင်ရေ နာမည်။ ကုန်အမှတ်တံဆိပ် နန့် တူကြောင်း ယပိုင်မဟုတ် အထင်လွဲလောက် အောင်ဆင်တူ ယိုးမှား ဖြိုက်နီကြောင်း
၂။ မှတ်ပုံတင်ထားရေ သူမှာ အေနာမည်ကို သုံးစွဲဖို့ အခွင့်အရေး မရှိကြောင်း။
၃။ အေနာမည်မှာ မသာမာစိတ်ထား bad faith နန့် သုံးစွဲနီခြင်းဖြိုက်ကြောင်း (၀ါ) မှတ်ပုံတင်ထားခြင်းဖြိုက်ကြောင်း စရေ အချက်တိကို တင်ပြနိုင်ပါရေ။
ယပိုင် ကန့်ကွက်လျေက်ထားချက် တရပ်အပေါ် Secretariat က ဖြေရှင်းရေ အဖွဲ့တစ်ဖွဲ့ ဖွဲ့စည်းပီးပါရေ။ အငြင်းပွားရေ လူတိအကြားစေ့စပ်ညိနှိုင်းပီးလို့ ရကေ ညှိနိုင်းပီးပါရေ ။ ညှိနိုင်းပီးလို့ မရနိုင်ရာဆိုခါ ဖြေရှင်းရေး အဖွဲ့ အနီနင့် စစ်ဆေးရေး စီရင်ဆုံးဖြတ်ပီးရေးကို ဆောင်ရွက်ပါရေ။
မသမာစိတ်ထား
ဒေပိုင် စစ်ဆေးစွာမှာ Domain Name ကို လက်ဦးမူရယူထားသူမှာ မသမာစိတ်ထား bad faith ရှိရေဆိုစွာကို ကန့်ကွက်သူ ဘက်က သက်သေပြနိုင်ရဖို့ ဖြိုက်လို့ အောက်ပါအချက်လက်တိကို ကန့်ကွက်သူ ဘက်က အဓိက ထားသက်သေထူရဖို့ ဖြိုက်ပါရေ။
က။ Domain Name ကိုလက်ဦးမူရယူထားရေ လူစွာ ပိုင်ရှင် အစစ် ဖြိုက်တေ မိမိ ထံကို လည်းကောင်း။ မိမိရဲ့ ပြိုင်ဖက်တဦးဦးထံကိုလည်းကောင်းသူရဲ့ အမှန်တကယ် ကုန်ကျစရိတ်ထက် ပိုပီးကေ ငွေကြေးတောင်ဆိုပြီး ရောင်းချ ငှားရမ်း တနည်းနည်း နင့် လက်လွဲီဖို့ အခြေအနေဟိ ကြောင်း
ခ။ Domain Name ကို လက်ဦးမူရယူထားစွာ ဟာ မိမိနန့် လုပ်ငန်းယှဉ်ပြိုင်နီစွာ တစ်ဦး အပေါ်တားဆီးနှောက်ယှက်ဖို့ ဖြိုက်ကြောင်း
ဃ။ Domain Name ကို မှတ်ပုံတင်ထား စွာကို က တမင်တကာ အင်တာနက် ထဲမှာ ကန့်ကွက်သူနန့် ဆင်တူ ယိုးမှားလုပ်လို့ ငွေကြေး နန့် စီးပွားရေး အကျိုးအမြတ် ယူဖို့ ရည်ရွယ်ချက်နဲ့ ဖြိုက်ကြောင်း။
ချေပချက်
ဒေပိုင် စစ်ဆေးမူမှာ ကန့်ကွက်ခံယူ သူဘက်က စစ်ဆေးမူစတင်ရေ နိန့်ရက်မှ အလုပ်ဖွင့်ရက် ၁၅ရက် အတွင်း အတွင်းရေးမူးရုံးမှာ ချေပချက်တင်သွားရပါမယ်။
ချေပချက်မှာ အောက်ပါအချက်တိ ပါဝင်ဖို့ လိုအပ်ပါရေ
က။ အငြင်းပွားမူမတိုင်ခင်ကပင် မိမိ ဟာ ဒေ Domain Name ကို ရိုးသားရေ စိတ်ထားနန့် သုံးစွဲ နိန်ကြောင်း (၀ါ) သုံးစွဲဖို့ စီစဉ်နိန်ကြောင်း
ခ။ ဒေ Domain Name နန့် ပက်သက်ရေ ကုန်အမှတ် တံဆိပ် ပိုင်ရှင် ဟိသည်ဖြိုက်စီ မဟိသည်ဖြိုက်စီ မိမိ Domain Name နန့် လူသိများနိန်ဗျယ်ဖြိုက်ကြောင်း
ဂ။ မိမိ ဟာ ဒေ Domain Name ကို မတရား စီးပွားရှာလိုရေ စိတ်ထားမပါဘဲ ရိုးသားရေ စိတ်ထားနန့် သုံစွဲ နိန်ခကြောင်း
ကုစားချက်
ဖြေရှင်းရေ အဖွဲ့ ဟာ ရက်၃၀ အတွင်း အငြင်းပွားမူအပေါ်အဆုံးအဖြတ်ပီးရပါရေ။ ကန့်ကွက်မူကို အနိုင်ပီးလိုက်တယ်ဆိုကေ Domain Name ကို ပယ်ဖျက်ဖို့ ၊ ကန့်ကွက်သူထံလွဲပြောင်းဖို့ အမိန့် ချမှတ်ပါရေ ။ ငွေအားဖြင့် နစ်နာကြေး ပီးဖို့ သတ်မှတ်ထားခြင်းမဟိပါ။
နည်းယူစရာ
ဇာပိုင်ပဲဖြိုက်ဖြိုက် ဒေပိုင်နာမည် သူခိုးတိ အပေါ်မှာ အချိန်တိုတိုအတွင်း မှာ စရိတ်နဲနဲ နင့် တားဆီးပိတ်ပင်နိုင်ရေ အတွက်နဲ့ ကုန်အမှတ်တံဆိပ်တိ နာမည်တိကို ကာကွယ် စောင့်ရှောက်လိုသူ တိ အဖို့ Domain Name အငြင်းပွားမူ ဖြေရှင်းရေးဆိုင်ရာ စင်ကာပူနိုင်ငံရဲ့ ပေါ်လစီဟာ အားကိုးအားထား တခု အမှန်ပင် ဖြိုက်ပါရေ။
ယင်းဟာကြောင့် IT ခတ်ထဲကို တစ်ရှိန်ထိုးဝင်ရောက်လာရေ ကျွန်တော်ရို့ ဆီမှာ အတွက်လည်း နည်းနာယူ စရာ တစ်ခု အဖြိုက်တင်ပြလိုက်ပါရေ
(ကွန်ပြူတာဂျာနယ်မှာ ပါရှိရေ ဆရာ ဦးသန်းမောင်(စစ်တွေ) ရွီးသားရေ ဆောင်းပါ ကို ရခိုင်ပိုင် ဆီလျော်အောင်ရွီးသား တင်ပြလိုက်ရပါရေ)
မင်းမင်း
Categories:
ဆောင်းပါး